"Traballamos conectando cultura e comunidade, pensando o feito artístico como un lugar de encontro e de comunicación entre persoas"

Por esta razón deseñamos propostas innovadoras que permiten explorar a arte dende unha perspectiva multidisciplinar, práctica e horizontal. Partindo da consideración e a conceptualización da arte
como ferramenta transversal para o cambio social, abordamos a educación, a creación e a investigación
de modo integral, como un todo que se complementa e que formalizamos a través de
diferentes proxectos artístico-educativos.

OS NOSOS TALLERES

Na nosa sede realizamos obradoiros para público infantil, adolescente e adulto.
Mais PLANO PEMENTA non é unicamente un espazo, é un proxecto e unha forma de pensar;
por iso tamén colaboramos con institucións, centros educativos e centros culturais, trazamos propostas
e desprazámonos para levalas a cabo no propio entorno. Adaptándonos ás necesidades contextuais, deseñamos, xestionamos e executamos os procesos necesarios para o desenvolvemento
de cada proxecto ou intervención.

ONDE ESTAMOS?

PLANO PEMENTA
ESPAZO CREATIVO

A sede de PLANO PEMENTA non é unicamente o espazo onde teñen lugar os nosos obradoiros, 
senón que é un taller onde levar a cabo diferentes procesos creativos…. SABER MÁIS >>

Horario de inverno:
Luns a Xoves, de 10:30 – 13:30 e 16:30 – 19:30h.
Venres de 10:30 a 13:30 h.
Sábado de 10:00 a 14:00h.

  • 881 88 45 06 | 698 14 89 78
  • R/ Castiñeiras de Abaixo n1, 15006, A CORUÑA.
  • INFO@PLANOPEMENTA.ES